вторник, 24 декабря 2013 г.

Не отходя от кассы

Первомай ёросысь военкомат возын улиськом. Котькуд нунал, поръякумы, адзиськом - военкомат вадьсын пияш сылэ. Чиед, очкиен, востэм тусо. Сылэ котькуд нунал 9 часысен. Дотово предприимчивой. Урамти ветлись вань егит пиослы "совершенно легальный и безопасный" военной билет чектэ.
Папамылы - со возтиз нуналаз пол ортче - чырты дораз вуэм ни.
Так что - кинэ армиын гурысь пось табанез кадь возьмало - вазиське.
Вот уж зэмзэ но - спрос рождает предложение.

среда, 18 декабря 2013 г.

Ву гур но оркестр

Ах! Кельшиз! Сайлентвугуръеслэн концертсы.
Лычсузьымон.
Вообще - улэп крезьгур сярысь кылын вераны уг луы. А куке со калык крезьгур, кудиз  мур-мур лул пушкысь мае ке вашкалазэ бугыртэ, кудиз, уно поколениосын люкамын, тынад вирад пычамын, - тем более. А куке со калык крезьгур бадзым симфонической оркестрен чош - кык пол тем более.
Ми нырысети радын пукимы - оло, соин сыче шодиськиз - крезьгур трос инструментъеслэн куараенызы тырме, люкаське но тулкым кадь залэ шуккиське. Быдэс концертэз - мурашки.
Ваньмыз кельшиз - Света - как всегда туж чебер - то"л но тыл. А куараез! Оръяськыса кошке. Тодись адямиос котьмар мед шуозы - мон кырзанын не разбираюсь. И мыным туж яра. Возамы пукись бигер пияш "Сироталэн кырзан"-эз дыръя синвуаськиз. Тоже, дыр, показатель.
Галиханов интые шудись гитаристсы шоры учкыны туж тунсыко. Дото колоритной пияш))).
Симфонической оркестрез нырысьсэ сыче матысен адзим. Серьезныесь. А пыдъессы экто.
Мон но быдэс концертэз эктыса пуки. Все же сайлент ву гуръеслэсь шудэмзэс пукыса кылзиськыны - тупасьтэм формат.
Жаль  - Гриша чик оз адзиськы. А солэн крезьгурез туж бадзым инты басьтэ. Шудэмзэ учкыны но тунсыко. Эшшо.... концертэз нуись нылаш укыргес шумпотэмын вал.
И конечно - ожыт, кот оз тыры.  Ну и мар, кырзанзы 2 концертной часлы тырмонтэм ке? Можно вал со кырзанъесты ик кыкетизэ шудыны))) Малпасько, нокин пумит ой луысал

среда, 11 декабря 2013 г.

Мозми

Чужайме 2 толэзьлэсь кема ой адзылыны ни. Мозми. Мамалы жингыртыса юасько - мар чужай каре. Пыдвыл, пе, тыныд керттэ.
Чужай туж висе ни. Ветлэ шуген, киосыз торнало, ёзвиосыз бадзымамын, сюрмылэмын и мыным пыдвыл керттэ. Вот адями. Вообще - вот поколение. Мыным потэ, соос кошкизы ке, сыче адямиос уз луэ ни. Адямиос, кудъесыз уг чидало, туж зол висьыса но, ужтэк пукыны, кудъесыз верантэм гуртсылэсь мозмо, отын нокыче удобствоос овол ке но, кудъесызлы улон но шудо луон понна сыче ожыт кулэ. Яратэмзэс соос кылын вераны овол дышемын, сое тон понна сюлмаськыса, тыныд быгатэмзыя юрттыса возьмато. Сыче яратон эшшо но дуно, оведь?
Кыче милемлы, гуртын будэмъеслы, шудэн зориз - милям сыче зарниесь чужайёсмы, песянайесмы, мемейёсмы, нэнэосмы, бабуляосмы вань шуыса. Мед кема- кема кема улозы, топ-топ вешалозы милемыз, кужмысь сюдозы, котьку зеч кыл шедьтозы. Пока соос вань, ми - пичи нуныос, кудъесызлэн толалтэ пыдзы кынме)).

P.S. А Олеглэн нэнэез мыным таче буело носки керттиз. Ну курутой ведь?

понедельник, 9 декабря 2013 г.

Война с Удмуртией

"Ха, ха! Кыче серем!" - шуиз куке но Вери Степанова, уг ни тодиськы мар пумысен.
Ваньзылэн контактысь бамъесазы ролик "А вдруг война с Удмуртией", даже соослэн, кин камедиез уг учкы. Мариз серем? Адями пичи калыкъеслэсь кылъессэс тодэ - со? Или что Москваын соосты тодон настолько кулэтэм, что просто маскара? Или - Удмуртиен война?
А эшшо монэ урмытэ, куке шуо "чечбуреч". Зуч кылэз янгышен вера ай - йырдэ куртчозы.
Чечбуреч, блин. Ха,ха! Кыче серем! 

воскресенье, 8 декабря 2013 г.

Вероника нюлэскын

Мон, видимо, укыр огшоры адями, выли искусствоез валан понна.
Ветлимы Вериен адзытонэ. Ялонын гожтэмын - америкаысь фотограф, кема аръес чоже туспуктэ ни, устоосыз ужъесыз.

Мар вераны но паймоно кадь.  Кылсярысь, одигез фото нимаське "Вероника нюлэскын". Туспуктэмын пичи тодьы пятно ( мон валамъя, вероникалэн йырыз берласянь), котырыз тем пеймыт (видимо, нюлэс).

Уг валаськы. Мон понна искусство - со мар ке но чебер, тунсыко, ну хотя бы паймымон. Сюлэмез вырзытись,  малпаськытись, чепыллясь.  Берлоез адзытон, кудзэ учкыса мон ваньзэ тае шоди - National Geographic-лэн выставкаез вал. 

Уг, мон уг шуиськы, суред одно пыр-поч (шуом, Айвазовскилэн зарезьесыз кадь) лэсьтэмын луыны кулэ шуыса. Адзи Анноклэсь но эшъесызлэсь суредъессэс, кудъессэ соос уйин Лудорвайын одиг минут чоже лэсьтизы. Отын буелэн кык-куинь гож гинэ лэземын, но адзиське - шунды жужа, сыче чебер.  

Уг шуиськы, суред яке туспуктэм музейлы тупась луыны кулэ шуыса. Пиросмани сютэм улиз,  "сухой закон"-я аракы вузась лавкаос  пыдсаськыны кутскем бере.

Уг шуиськы, вань гениальноез кемалась малпамын ни шуыса. Куке Москваысен ветлимы Гараже, отын туала искусство биеннале вал. Туж тунсыкоесь экспериментъес. Кылсярысь, луэ гамаке выдыса, лобась бубылиос шоры учкыны. Яке таче инсталляция - инвалидной креслоосын пичи комнатаын, ог-огзы борды пыр мырзиськылыса, ветло самой тодмо убиръес - сталин, гитлер, кастро но мукетъесыз. Туж тунсыко. 

Уг шуиськы, искусство - со  одно натюрморт, яке пейзаж, яке портрет, кудъесыз ваньзылы валамон. Но вероникалэн йырыз -  таиз ини, мон понна сьораз ортчемын. Кин учкиз "О чем говорят мужчины" киноез? Вот "точно такая же веревочка и надпись "туалет не работает".

Мед, конечно, адямиос вырозы соин, мар соослы кельше, мед туспуктозы, мар соослы кельше, мед суредалозы, кызьы кельше. Но, оло,  не ваньзэ сое искусство нимано? Оло, кыче мукет, тупамонгес кыл вань?